ខេត្តតាកែវ ÷ឯកឧត្តម កិត្តិសង្គហបណ្ឌិត ទេព ងន អនុប្រធាន ទី២ ព្រឹទ្ធសភា និងក្រុមគ្រួសារ បាននាំយកបច្ច័យ ទេយ្យទាន និងចង្ហាន់ ចូលរួមក្នុងពិធីកាន់បិណ្ឌវេនទី៤ ចំនួន៥វត្ត រួមមាន វត្តប្រាំបីមុំ វត្តទេព្យប្រណម្យ វត្តស្វាយអណ្តែត វត្តដំណាក់រាជា និងវត្តឈេីនៀងផ្អែម នៅវត្តប្រាំបីមុំ ស្ថិត ក្នុងឃុំប្រាំបីមុំ ស្រុកទ្រាំង ខេត្តតាកែវ ដើម្បីឧទ្ទិសកុសលផលបុណ្យជូនដល់ញាតិការទាំងប្រាំពីរ សណ្តាន ដែលបានចែកឋានទៅកាន់លោកខាងមុខ ។ ក្នុងឱកាសជួបជុំក្នុងរដូវបុណ្យភ្ជុំនេះដែរ ឯកឧត្តម ក៏បានប្រគេននិងជូនម៉ាស់ អាកុល និងសាប៊ូ ដល់ព្រះចៅអធិការវត្ត អាជ្ញាធរ និងលោកគ្រូអ្នកគ្រូផងដែរ។